ליקוטי תפילות · חלק א׳ · תפילה נ״ה · קטע י״ד

וְתַצִּילֵנוּ וְתִשְׁמְרֵנוּ אוֹתָנוּ וְאֶת זַרְעֵנוּ תָמִיד שֶׁלֹּא יִשְׁלֹט בָּנוּ שׁוּם עַיִן הָרָע לְעוֹלָם, מִשּׁוּם אָדָם וּמִשּׁוּם נִבְרָא שֶׁבָּעוֹלָם וְנִזְכֶּה לְהוֹדוֹת לְךָ וּלְבָרֶכְךָ תָּמִיד, וְיִמָּלֵא פִי תְהִלָּתֶךָ, וְנוֹדֶה לְךָ יְהוָה אֱלֹהֵינוּ תָמִיד עַל כָּל נְשִׁימָה וּנְשִׁימָה, "כָּל עַצְמוֹתַי תּאמַרְנָה יְהוָה מִי כָמוֹךָ, מַצִּיל עָנִי מֵחָזָק מִמֶּנּוּ וְעָנִי וְאֶבְיוֹן מִגּוֹזְלוֹ הַצִּילֵנִי מֵאוֹיְבַי אֱלֹהָי, מִמִּתְקוֹמְמַי תְּשַׂגְּבֵנִי חַלְּצֵנִי יְהוָה מֵאָדָם רָע, מֵאִישׁ חֲמָסִים תִּנְצְרֵנִי כִּי אֵלֶיךָ אֱלֹהִים יְהוָה עֵינָי, בְּכָה חָסִיתִי אַל תְּעַר נַפְשִׁי יְהוָה אֱלֹהַי בְּךָ חָסִיתִי הוֹשִׁיעֵנִי מִכָּל רוֹדְפַי וְהַצִּילֵנִי", וִיקֻיַּם בָּנוּ מִקְרָא שֶׁכָּתוּב. "פָּדָה בְשָׁלוֹם נַפְשִׁי מִקְּרָב לִי כִּי בְרַבִּים הָיוּ עִמָּדִי יִרְאֵי יְהוָה הַלְלוּהוּ, כָּל זֶרַע יַעֲקב כַּבְּדוּהוּ, כִּי לֹא בָזָה וְלֹא שִׁקַּץ עֱנוּת עָנִי וּבְשַׁוְּעוֹ אֵלָיו שָׁמֵעַ הִנֵּה אֱלֹהִים עוֹזֵר לִי, יְהוָה בְּסוֹמְכֵי נַפְשִׁי, יָשִׁיב הָרַע לְשׁוֹרְרָי בַּאֲמִתְּךָ הַצְמִיתֵם בִּנְדָבָה אֶזְבְּחָה לָךְ אוֹדֶה שִׁמְךָ יְהוָה כִּי טוֹב, כִּי מִכָּל צָרָה הִצִּילָנִי וּבְאוֹיְבַי רָאֲתָה עֵינִי, כּל הַנְּשָׁמָה תְּהַלֵּל יָהּ הַלְלוּיָהּ, כָּל הַנְּשָׁמָה תְּהַלֵּל יָהּ הַלְלוּיָהּ"