ליקוטי תפילות · חלק א׳ · תפילה ס״ד · קטע י״א

וְנֵשֵׁב וּנְיַחֵל וּנְצַפֶּה לְרַחֲמֶיךָ, אֲשֶׁר טָמוּן לִבְרִיּוֹתֶיךָ, כְּמוֹ שֶׁכָּתוּב. "טוֹב וְיָחִיל וְדוּמָם לִתְשׁוּעַת יְהוָה אַךְ אֶל אֱלֹהִים דּוּמִיָּה נַפְשִׁי, מִמֶּנּוּ יְשׁוּעָתִי אַךְ לֵאלֹהִים דּוֹמִּי נַפְשִׁי כִּי מִמֶּנּוּ תִּקְוָתִי, כִּי אֵין מִלָּה בִּלְשׁוֹנִי הֵן יְהוָה יָדַעְתָּ כֻלָּהּ אֵלֶיךָ נָשָׂאתִי אֶת עֵינַי, הַיּוֹשְׁבִי בַּשָּׁמַיִם אֵלֶיךָ יְהוָה נַפְשִׁי אֶשָּׂא פֵּרַשְׂתִּי יָדַי כָּל הַיּוֹם נַפְשִׁי כְּאֶרֶץ עֲיֵפָה לְךָ סֶלָה כִּי לְךָ יְהוָה הוֹחָלְתִּי, אַתָּה תַעֲנֶה יְהוָה אֱלֹהָי אֶשָּׂא עֵינַי אֶל הֶהָרִים, מֵאַיִן יָבא עֶזְרִי עֶזְרִי מֵעִם יְהוָה, עוֹשֵׂה שָׁמַיִם וָאָרֶץ" וִיקֻיַּם בָּנוּ מִקְרָא שֶׁכָּתוּב. "וַיּאמֶר משֶׁה אֶל הָעָם אַל תִּירָאוּ, הִתְיַצְּבוּ וּרְאוּ אֶת יְשׁוּעַת יְהוָה, אֲשֶׁר יַעֲשֶׂה לָכֶם הַיּוֹם, כִּי אֲשֶׁר רְאִיתֶם אֶת מִצְרַיִם הַיּוֹם, לֹא תוֹסִיפוּ לִרְאוֹתָם עוֹד עַד עוֹלָם יְהוָה יִלָּחֵם לָכֶם, וְאַתֶּם תַּחֲרִישׁוּן אַל תַּעַזְבֵנִי יְהוָה, אֱלֹהַי אַל תִּרְחַק מִמֶּנִּי, חוּשָׁה לְעֶזְרָתִי יְהוָה תְּשׁוּעָתִי יִהְיוּ לְרָצוֹן אִמְרֵי פִי, וְהֶגְיוֹן לִבִּי לְפָנֶיךָ, יְהוָה צוּרִי וְגוֹאֲלִי", אָמֵן וְאָמֵן