ליקוטי תפילות · חלק א׳ · תפילה ס״ז · קטע ט״ו

חוּס וַחֲמל וְרַחֵם עָלַי, "תִּנָּתֶן לִי נַפְשִׁי בִּשְׁאֵלָתִי, וְעַמִּי בְּבַקָּשָׁתִי, חָנֵּנִי יְהוָה כִּי אֻמְלַל אָנִי, רְפָאֵנִי יְהוָה כִּי נִבְהֲלוּ עֲצָמָי וְנַפְשִׁי נִבְהֲלָה מְאד, וְאַתָּה יְהוָה עַד מָתָי, שׁוּבָה יְהוָה חַלְּצָה נַפְשִׁי, הוֹשִׁיעֵנִי לְמַעַן חַסְדֶּךָ נַפְשִׁי יְשׁוֹבֵב, יַנְחֵנִי בְמַעְגְּלֵי צֶדֶק לְמַעַן שְׁמוֹ שׁוּבִי נַפְשִׁי לִמְנוּחָיְכִי, כִּי יְהוָה גָּמַל עָלָיְכִי כִּי חִלַּצְתָּ נַפְשִׁי מִמָּוֶת, אֶת עֵינִי מִן דִּמְעָה, אֶת רַגְלִי מִדֶּחִי, אֶתְהַלֵּךְ לִפְנֵי יְהוָה בְּאַרְצוֹת הַחַיִּים כִּי לֹא תַּעֲזב נַפְשִׁי לִשְׁאל, לֹא תִתֵּן חֲסִידְךָ לִרְאוֹת שָׁחַת אַךְ אֱלֹהִים יִפְדֶּה נַפְשִׁי, מִיַּד שְׁאוֹל כִּי יִקָּחֵנִי סֶלָה" צוּר הָעוֹלָמִים אֲדוֹן כָּל הַבְּרִיּוֹת אֱלוֹהַּ כָּל הַנְּפָשׁוֹת, זַכֵּנִי לְהָשִׁיב וּלְהַחֲיוֹת וּלְהַבְרִיא אֶת נַפְשִׁי הָעֲיֵפָה וְהַיְגֵעָה מְאד, הָרְחוֹקָה מִתְפִילָּה בְּכַוָּנָה מְאד עָזְרֵנִי וְהוֹשִׁיעֵנִי וְזַכֵּנִי לְהִתְעוֹרֵר וּלְהִתְחַזֵּק וּלְהִתְאַמֵּץ בְּכָל עז מֵעַתָּה לְהִתְפַּלֵּל בְּכַוָּנָה גְדוֹלָה בְּכָל נַפְשִׁי וּלְבָבִי בֶּאֱמֶת "אֵלֶיךָ יְהוָה נַפְשִׁי אֶשָּׂא אֵלֶיךָ יְהוָה נַפְשִׁי אֶשָּׂא אֵלֶיךָ נָשָׂאתִי אֶת עֵינַי הַיּוֹשְׁבִי בַּשָּׁמָיִם", אֵלֶיךָ שִׁטַּחְתִּי אֶת כַּפָּי, "פֵּרַשְׂתִּי יָדַי כָּל הַיּוֹם, נַפְשִׁי כְּאֶרֶץ עֲיֵפָה לְךָ סֶלָה שַׂמֵּחַ נֶפֶשׁ עַבְדֶּךָ, כִּי אֵלֶיךָ יְהוָה נַפְשִׁי אֶשָּׂא" שַׂבְּעֵנִי מִטּוּבֶךָ וְשַׂמַּח נַפְשִׁי בִּישׁוּעָתֶךָ וְטַהֵר לִבִּי לְעָבְדְּךָ בֶּאֱמֶת, וִיקֻיַּם בִּי מִקְרָא שֶׁכָּתוּב. "וְנַפְשִׁי תָּגִיל בַּיהוָה תָּשִׂישׂ בִּישׁוּעָתוֹ, כָּל עַצְמתַי תּאמַרְנָה יְהוָה מִי כָמוֹךָ, מַצִּיל עָנִי מֵחָזָק מִמֶּנּוּ וְעָנִי וְאֶבְיוֹן מִגּוֹזְלוֹ, מַה תִּשְׁתּוֹחֲחִי נַפְשִׁי וּמַה תֶּהֱמִי עָלָי הוֹחִילִי לֵאלֹהִים כִּי עוֹד אוֹדֶנּוּ, יְשׁוּעוֹת פָּנַי וֵאלֹהָי יִהְיוּ לְרָצוֹן אִמְרֵי פִי וְהֶגְיוֹן לִבִּי לְפָנֶיךָ יְהוָה צוּרִי וְגוֹאֲלִי בָּרוּךְ יְהוָה אֱלֹהִים אֱלֹהֵי יִשְׂרָאֵל עוֹשֵׂה נִפְלָאוֹת לְבַדּוֹ, וּבָרוּךְ שֵׁם כְּבוֹדוֹ לְעוֹלָם, וְיִמָּלֵא כְבוֹדוֹ אֶת כָּל הָאָרֶץ, אָמֵן וְאָמֵן"