ליקוטי תפילות · חלק ב׳ · תפילה ב׳ · קטע ד׳

וּתְמַהֵר וְתָחִישׁ לְגָאֳלֵנִי וּלְהוֹצִיאֵנִי מִכָּל הַצָּרוֹת וְהָרָעוֹת אֲשֶׁר סְבָבוּנִי, "ה' מָה רַבּוּ צָרָי, רַבִּים קָמִים עָלָי רַבִּים אמְרִים לְנַפְשִׁי אֵין יְשׁוּעָתָה לּוֹ בֵאל הִים סֶלָה וְאַתָּה ה' מָגֵן בַּעֲדִי כְּבוֹדִי וּמֵרִים ראשִׁי", צָרוֹת רַבּוֹת סְבָבוּנִי קְרָאנוּךָ ה' אֱל הֵינוּ, "בַּצַּר לִי אֶקְרָא ה' וְאֶל אֱל הַי אֲשַׁוֵּעַ יִשְׁמַע מֵהֵיכָלוֹ קוֹלִי וְשַׁוְעָתִי לְפָנָיו תָּבא בְּאָזְנָיו מִן הַמֵּצַר קָרָאתִי יָהּ עָנָנִי בַמֶּרְחַב יָהּ קָרָאתִי מִצָּרָה לִי אֶל ה' וַיַּעֲנֵנִי מִבֶּטֶן שְׁאוֹל, שִׁוַּעְתִּי שָׁמַעְתָּ קוֹלִי וַתַּשְׁלִיכֵנִי מְצוּלָה בִּלְבַב יַמִּים וְנָהָר יְסוֹבְבֵנִי, כָּל מִשְׁבָּרֶיךָ וְגַלֶּיךָ עָלַי עָבָרוּ וַאֲנִי אָמַרְתִּי נִגְרַשְׁתִּי מִנֶּגֶד עֵינֶיךָ, אַךְ אוֹסִיף לְהַבִּיט אַל הֵיכַל קָדְשֶׁךָ אֲפָפוּנִי מַיִם עַד נֶפֶשׁ תְּהוֹם יְסֹבְבֵנִי סוּף חָבוּשׁ לְראשִׁי, לְקִצְבֵי הָרִים יָרַדְתִּי הָאָרֶץ בְּרִיחֶיהָ בַעֲדִי לְעוֹלָם וַתַּעַל מִשַּׁחַת חַיַּי ה' אֱל הָי בְּהִתְעַטֵּף עָלַי נַפְשִׁי אֶת ה' זָכָרְתִּי, וַתָּבא אֵלֶיךָ תְּפִלָּתִי אֶל הֵיכַל קָדְשְׁךָ מְשַׁמְּרִים הַבְלֵי שָׁוְא חַסְדָּם יַעֲזבוּ וַאֲנִי בְּקוֹל תּוֹדָה אֶזְבְּחָה לָּךְ, אֲשֶׁר נָדַרְתִּי אֲשַׁלֵּמָה, יְשׁוּעָתָה לַה'".