ליקוטי תפילות · חלק א׳ · תפילה ל״ז · קטע א׳

"נַפְשִׁי בִּשְׁאֵלָתִי וְעַמִּי בְּבַקָּשָׁתִי הַצִּילָה מֵחֶרֶב נַפְשִׁי מִיַּד כֶּלֶב יְחִידָתִי, אַל תְּעַר נַפְשִׁי" כִּי בְּךָ חָסִיתִי כִּי אַתָּה תִקְוָתִי וְאַתָּה אֱיָלוּתִי "שָׁמְרָה נַפְשִׁי וְהַצִּילֵנִי אַל אֵבוֹשׁ כִּי חָסִיתִי בָךְ חוּשָׁה לְעֶזְרָתִי יְהוָה תְּשׁוּעָתִי" תִּיקַר נָא נַפְשִׁי בְּעֵינֶיךָ יְהוָה אֱלֹהַי וֵאלֹהֵי אֲבוֹתַי יְגוֹלָלוּ רַחֲמֶיךָ עַל מִדּוֹתֶיךָ, יֶהֱמוּ וְיִכְמְרוּ רַחֲמֵי לִבְּךָ עַל נַפְשִׁי הָאֻמְלָלָה וְהָעֲלוּבָה מְאד מְאד, עַל נַפְשִׁי הָרְעֵבָה וְהַצְּמֵאָה וְהָעֲיֵפָה מְאד, עַל נֶפֶשׁ מָרָה כָּזוֹ, נֶפֶשׁ הַלְּכוּדָה בְּכַבְלֵי ענִי וּבַרְזֶל בַּאֲלָפִים וּרְבָבוֹת רְשָׁתוֹת וּמְצוּדוֹת כְּצִפֳּרִים הָאֲחוּזוֹת בַּפָּח, נֶפֶשׁ הָעֲשׁוּקָה מְאד מָלֵא רַחֲמִים, מָלֵא רַחֲמִים, רוֹאֶה בְּעֶלְבּוֹן עֲלוּבִים, הַבִּיטָה נָא וּרְאֵה "דִּמְעַת הָעֲשֻׁקִים" הַצּוֹעֲקִים וּבוֹכִים וְנֶאֱנָקִים וְנֶאֱנָחִים, "וּמִיַּד עוֹשְׁקֵיהֶם כּחַ וְאֵין לָהֶם מְנַחֵם" בָּכוֹ יִבְכּוּ הַרְבֵּה בֶכֶה וְדִמְעָתָם עַל לֶחֱיָם רַחֲמָן אֲמִתִּי אַל תַּסְתֵּר פָּנֶיךָ מִשַּׁוְעָתָם, וְאַל תֶּאֱטם אָזְנְךָ מִצַּעֲקָתָם, וְאַל תַּעְלִים עֵינֶיךָ מִדִּמְעָתָם